നെല്ലുവായ് ധന്വന്തരി ക്ഷേത്രത്തിൽ വൈകുണ്ഠ ഏകാദശി ആഘോഷങ്ങൾക്ക് നാളെ തുടക്കമാകും

നെല്ലുവായ് : പ്രശസ്തമായ നെല്ലുവായ് ധന്വന്തരി ക്ഷേത്രത്തിൽ വൈകുണ്ഠ ഏകാദശി ആഘോഷങ്ങൾക്ക് നാളെ  ആരംഭം.  ഞായറാഴ്ച വിളക്കെഴുന്നള്ളിപ്പോടെ ആരംഭിക്കുന്ന ആഘോഷങ്ങൾ ഏകാദശി ദിവസം വരെ തുടരും.  ദിനംപ്രതി രാവിലെ ഉദയാസ്തമയപൂജ, നവകം, പഞ്ചഗവ്യം, ശ്രീഭൂതബലി, പ്രസാദ ഊട്ട്, വൈകീട്ട് ചുറ്റവിളക്ക്, നിറമാല, നാഗസ്വരം, വിളക്കെഴുന്നള്ളിപ്പ്, പഞ്ചവാദ്യം, കേളി, കൊമ്പുപറ്റ്, മേളം, ഇടയ്ക്കപ്രദക്ഷിണം എന്നിവ നടക്കും. ജനുവരി 31-ന് വൈകീട്ട് 5.30-ന് പ്രശസ്ത ഗായിക കെ.എസ്. ചിത്ര കലാസാംസ്കാരിക പരിപാടി ഉദ്ഘാടനം ചെയ്യും. 

തുടർന്ന് ജനുവരി അഞ്ചിന് നൃത്തോത്സവവും ഏഴിന് സംഗീതോത്സവവും നടക്കും. ജനുവരി എട്ടിന് ചെറുതേവർദിനാചരണം, വൈദ്യസംഗമം, ധന്വന്തരി പുരസ്കാര സമർപ്പണം എന്നീ പ്രധാന ചടങ്ങുകൾ നടക്കും. പത്താം തീയതി വൈകുണ്ഠ (സ്വർഗവാതിൽ) ഏകാദശി ദിവസം ക്ഷേത്രത്തിൽ വിശേഷ പൂജകളും ആഘോഷങ്ങളും ഉണ്ടാകും. ആയുർവേദത്തിന്റെ ദൈവമായ ധന്വന്തരിക്ക് സമർപ്പിച്ചിരിക്കുന്ന ഈ ക്ഷേത്രത്തിലെ വൈകുണ്ഠ ഏകാദശി ആഘോഷങ്ങൾ ഭക്തജനങ്ങൾക്ക് വലിയ ആത്മീയ അനുഭവമാണ്.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG