വടക്കാഞ്ചേരി : നഗരം മുഴുവൻ വർണ്ണശബളങ്ങളായ ചിത്രങ്ങൾ, ശുചിത്വ സന്ദേശങ്ങളും പൂത്തുലഞ്ഞ് നിൽക്കുന്ന പൂന്തോട്ടങ്ങളും അങ്ങനെ മാലിന്യ മുക്ത നഗരമായ വടക്കാഞ്ചേരിയെ പൂങ്കാവനമാക്കി മാറ്റി മാതൃകയാവുകയാണ് വടക്കാഞ്ചേരി നഗരസഭ. സ്വച്ഛ് സർവ്വേക്ഷൻ സന്ദേശവുമായി നഗരസഭയുടെ ശുചിത്വ അംബാസിഡറും ചലച്ചിത്ര താരവുമായ രചന നാരായണൻകുട്ടിയും രംഗത്തെത്തിയതോടെ ശുചിത്വ പ്രവർത്തനങ്ങൾ നാടാകെ ഏറ്റെടുത്തു. നഗരത്തിൻ്റെ മുക്കും മൂലയും സ്വച്ഛ് സർവ്വേക്ഷനെ വരവേൽക്കാൻ അണിഞ്ഞൊരുങ്ങി. നീർച്ചാലുകളുടെയും പുഴയോരങ്ങളുടെയും കരകളിൽ മനോഹരങ്ങളായ പൂന്തോട്ടങ്ങളും ഒരുങ്ങി.
സ്വച്ഛ് സർവ്വേക്ഷൻ സന്ദേശം പൊതുജനങ്ങൾക്കിടയിലെത്തിക്കാൻ നഗരസഭയുടെ നേതൃത്വത്തിൽ വിവിധ നിശ്ചല കലാരൂപങ്ങളും പൊതു ഇടങ്ങളിൽ സ്ഥാപിച്ചിട്ടുണ്ട്. കേരളീയ നാടൻ കലാരൂപങ്ങളും ക്ലാസിക്കൽ നൃത്ത രൂപങ്ങളും അവയിൽ ഇടം പിടിച്ചപ്പോൾ സ്വച്ഛ് സർവ്വേക്ഷൻ പ്രചരണത്തെ വ്യത്യസ്തമാക്കി.രചന നാരായണൻ കുട്ടിയുടെ നേതൃത്വത്തിൽ പൊതുജനങ്ങൾക്കിടയിൽ ശുചിത്വ സന്ദേശം ഉൾക്കൊളളുന്ന ബോധവത്കരണ ക്ലാസും നടത്തി.
.jpeg)
0 അഭിപ്രായങ്ങള്‍